Hevdîtina Tirkiye û HSDê li Încîrlikê…!
Li gora hinek agahiyan, li bingehê Încîrlîk a Amerîkayê ya li Tirkiyeyê di navbera şandeke HSDê û şandeke hikûmeta Tirkiyeyê ya di bin çavderiya Wezareta Karên Derve ya Amerîkayê de hevdîtinek pêk hat.
Şande HSDê serokatiya Serokê Partiya Yekîtiya Demokratîk (PYD) Salih Muslim û şanda Tirkiye jî bi serokatiya Cîgirê Wezîrê Derve yê Tirkiyê Nuh Yilmaz ciciyane.
Di civîna li Încîrlîkê de li ser agirbesteke berfireh a bi çavdêriya Amerîkayê ji bo her du aliyan li hev kirin. Kî agirbestê binpê bike, divê zêdetir tawîzan bide yê din, ji ber ku li hev kirin ku hemû pirsgirêk bi rêyên dîplomatîk û diyalogê bên çareserkirin.
Lihevhatkirin ku, YPG bi temamî were hilweşandin û tevlî Hêzên Sûriyeya Demokratîk bibe û di encamê de wê di nava Artêşa Ereb a Sûriyeyê de cih bigire. Hate piştrastkirin ku çi li hundir û çi li derveyî Sûriyê dê li dijî Tirkiyê ti çalakî neyê kirin. Ger ev yek bi temamî pêkneyê, dê peyman jixweber betal bibe û mafê Tirkiyeyê heye ku operasyonên leşkerî pêk bîne.
Tirkiye Tirkiye niha rêveberiya sivîl a HSD’ê nas nake, heta ku neyê îsbatkirin ku niyeta HSD’ê zirarê nade berjewendiyên Tirkiyê li Sûriyê û herêmê bi giştî.
Paşê, qebûlkirina rêveberiya sivîl a HSDê ji aliyê Tirkiyê ve, di çarçoveya şert û mercên hikûmeta Sûriyê de, bi garantiyên Fransa, Amerîka û Herêma Kurdistanê ji bo her du aliyan dê were gotûbêjkirin.
Ji mafê Tirkiyê ye ku dewriyeyên keşfê yên ligel hêzên Amerîkî û Sûriyê bi şêweyekî sê alî hevbeş li navçeyên HSDê pêk bîne da ku piştrast bike ku ti gef li ser Tirkiyê ji van deveran dernakeve. Ev yek demkî tê hesibandin heta ku hemî nakokiyên têkildar bêne çareser kirin, ev dewriye dê bêne betal kirin.
Tirkiyê çûna Pêşmergeyên Rojava ji Herêma Kurdistanê bo nav Sûriyê û bicihkirina wan li hin xalên li ser sînorê Tirkiyê û Sûriyê ferz kiriye. Ev hêz dê weke zêrevanên sînor tevlî Hêzên Sûriya Demokratîk (HSD) bibin û dê di nava artêşa Sûriyê de bi fermandariya HSDê cîh bigrin.
Hate piştrastkirin ku çi li hundir û çi li derveyî Sûriyê dê li dijî Tirkiyê ti çalakî pêk neyên kirin. Eger çalakiyek li dijê berjewendiyên Tirkiye bê kirin, ev lihevnekirin bi awayekî otomatîk betal dibe û mafê Tirkiyê heye ku operasyonên leşkerî pêk bîne û bikeve rojhilatê Firatê.
