Endamê Encûmena Niştimanî ya Kurd li Sûrîyê (ENKS) Kawa Ezîzî, di daxuyanîyekê de ragihand ku ji ber siyaseta Partîya Karkerên Kurdistanê (PKK) ya bi darê zorê ciwanan û pirsgirêka bêkarîyê, ciwan bi awayekî girseyî ji Rojavayê Kurdistanê koç dikin.
Endamê Encûmena Niştimanî ya Kurd li Sûriyê (ENKS) Kawa Ezîzî, ji ragihand ku rewşa Rojavayê Kurdistanê ji ber serdestîya PKKê di rewşek xirab de ye û û ev rewş bûye sedema koçberbûna komî ya ciwanên Rojavayê Kurdistanê.
Kawa Ezîzî, di berdewamîya axaftina xwe de got: “Gelek faktor di koçkirina ciwanên Rojavayê Kurdistanê de rola xwe dilîzin. Bi taybetî jî ji alîyê PKK ve leşkerkirina bi darê zorê ya ciwanan, nebûna derfetên kar û pêşxistina pirsgirêka bêkarîyê sedemên sereke ne ku ciwan ji Rojavayê Kurdistanê derkevin”.
Enstîtuya Siyaseta Rojhilata Navîn a Washingtonê di rapora xwe ya dawî de bal kişand ser koçberîya girseyî ya ciwanên Rojavayê Kurdistanê û destnîşan kir ku yek ji sedemên sereke yên vê koçberîyê leşkerkirina bi zorê ya ciwanan e.
Enstîtuya Washingtonê ragihand ku di hefteyên dawî de bi hezaran ciwan li herêmên di bin kontrola Hêzên Sûrîyeya Demokratîk (DSG) de koçî Tirkîyê kirine.
