DYA:Emê nehêlin Îran rê li herikandina agahiyan bigre

Hukumeta Amerikî da xûyakirin ku, ew hewldidin di xwepêşandanên Îranî ji aliyê rayadarên Îranê ve neyên wşartin û dê hemû hewlê bidin ku agahdarî di derbarê bûyerên Îranê eşkere bibin û bighin raya giştî ya cîhanî.

Emînî ku di 13’ê Îlonê de li Tehranê ji aliyê dewriyeyên Îrşad ên bi navê polîsên exlaqî ve hatibû binçavkirin, di komayê de hatibû rakirin nexweşxaneyê, 16’ê Îlonê jiyana xwe ji dest da. Di daxuyaniya Midûriyeta Polîsan a Tehranê ya têkildarî bûyerê de hat diyarkirin ku Emînî ji ber krîza dil jiyana xwe ji dest daye û tu têkiliya fîzîkî bi wî re tunebû.

Li Îranê Mahsa Emînî ya 22 salî piştî ku roja 13’ê Îlonê ji aliyê polîsên Exlaqê yên Tehranê ve hatibû îşkence kirin û di encam de jiyana xwe ji dest dabû.    Piştî mirina Emînî xwepêşandan li seranserê welêt berdewam dikin, Dewletên Yekbûyî lîsansa sivikkirina cezayên li ser karûbarên înternetê li Iranranê derxist. Wezareta Xezînedariya Amerîkayê di daxuyaniyekê de ragihand ku Îranî bi armanca “piştgiriya herikîna azad a agahiyan” di nava xwenîşandanên li dijî hikûmetê de li wî welatî berdewam in.

Wally Adeyemo, Alîkarê Wezareta Xezîneyê ya Amerîkayê got: “Di demekê de ku Îraniyên wêrek dadikevin kolanan ji bo protestokirina kuştina Mahsa Emînî, Amerîka piştgiriya xwe ji herikîna azad a agahiyan ji gelê Îranê re duqat dike.” Wezîrê Derve yê Amerîkayê Antony Blinken Îran bi tepeserkirina xwenîşanderên aştiyane yên ku ji ber kuştina Emînî hêrs bûne bi tundî tawanbar kir û got, “Em ê bibin alîkar ku gelê Îranê li hemberî van gavan îzole nebe û di tariyê de nemîne. Ev biryar tevgereke berçav e. Ji bo piştgirîya watedar ji Îraniyên ku daxwaza rêzgirtina ji mafên xwe yên bingehîn dikin re bike.”

Bersiv :

Nêrîna te
Nav: