Di derbarê êrîşê dewleta Tirk ya li dijê Kurdistana Rojava PAKê daxûyaniyek belav kir. PAK dibêje :Divê Dewleta Tirk ji dev êrîşên xwe yê Kurdistana Rojava berde. Daxûyaniya PAKê: Dewleta Tirk, siyaseta PKKê ya bi şerê nav bajaran zerarê dide gelê me jî ji xwe re wek hincetekê nîşan dide û bi gotina ‘’emê wan tune bikin, paqij bikin’’ êrîşên xwe li bakurê Kurdistanê berdewam dike. Nuha jî dest bi êrîşên li ser Rojavayê Kurdistanê kirî ye.Gelo vê carê çi hincet he ye? Dewleta Tirk divê bizanibe ku ev êrîşên li bakur û rojavayê Kurdistanê beyhûde ye û ev mesele bi kuştin û tûnd û tûjîyê çaresar nabe.Dewleta Tirk jibo rêlêvekirina aşitî û çareserîya li gel miletê Kurd, divê dest ji vê siyaseta şîdetê berde. Divê dest ji wê siyasetê berde ku dibêje ‘’Em nahêlên li bakurê Sûrîyeyê tu dewlet bê ava kirin’’. Jibo siyaseteke dostane, Dewleta Tirk divê li gel ENKS, PYD û partîyên din yên Kurdan wek nûnerên hevbeş yên rojavayê Kurdistanê dîyalog û peywendîyên xwe geş bike.Bi vê minasebetê, em careke din jî bangî PYDê dikin ku li gel ENKS û partîyên din yên Kurdan îdareyeke hevbeş ya eskerî, sîyasî û aborî damezrînin. Jibo rêlibergirtina êrîşên xêrnexwazan, jibo Kurd di qada navnetewî de wek alîyêkî bêne qebûl kirin, hevgirtin û tifaqa rojavayê Kurdistanê îro wazîfeyeke dîrokî û neteweyî ye.Em bangî Dewleta Tirk dikin ku, demildest dest ji êrîşên li ser rojavayê Kurdistanê berde û pirsgirêkên li pêş çareserîyê aloztir neke. 15.02.2016Buroya Çapemenî û Ragehandinê ya PAKê
Pêş
29/03/2024
Îsraîlê bi balafirên şer êrîşê Suriye kir 36 leşker hatin kuştin
29/03/2024
Li Bilîsê berbijêrê CHPê tevlî AK Partiyê bû
Têkildar
Balkêş e ?
Close