Dadgehê Trump tawanbar kir!

Serokê berê yê Amerîkayê û namzedê Komarî yê di Hilbijartinên Serokatiyê yên ku di meha Mijdarê de bêne kirin de Donald Trump, ji aliyê heyeta dadgehê ve tawanbar hate dîtin.

Piştî nîqaşên du rojan li New Yorkê, heyeta dadgehê ya ji 12 endaman pêk tê ragihand ku wê Donald Trump ji her 34 tawanên ku pê re rû bi rû mane sûcdar dîtin. Ev biryar beriya Hilbijartina Serokomariyê ya 5ê Mijdarê hat dayîn, ku tê de namzedê Komarî Trump dê hewl bide ku serokatiya Joe Biden paşde bigire.

Trumpê 77 salî sûcê xwe red kir û da zanîn ku ew ê îtîrazê li biryarê bikin. Trump gilî kir ku ew li eyaleta xwe ya ku piraniya wê Demokrat e, mehkemeyek adil nekiriye.
Li gorî nûçeya Reutersê, Trump di hemû dozan de sûcê xwe qebûl nake û îdia kir ku hevalbendên Demokrat ên Biden di gelek pirsgirêkên wî yên hiqûqî de li dijî wî komployeke siyasî bûn.

Trump piştî biryara jûriyê di daxuyaniyek kurt da û got: “Biryar şerm e, ez bêguneh im. Biryara rastîn dê di hilbijartinên serokomariyê yên 5ê Mijdarê de derkeve holê. “Em ê heta dawiyê bidomînin.“

Trump destnîşan kir ku welat veguheriye dojehê, Trump dubare kir ku doz ji aliyê hevrikên wî yên siyasî ve hatiye vekirin û got, “Welatê me di nav tengasiyek mezin de ye, ev biryarek sextekar e.”