Ciwan mêhvanê Avşar e

Hunermendê navdar ê Muzîka  Pop-Caza Kurdî Ciwan Haco, roja înê mêvanê bernameya Hulya Avşar e. Wê herdu hunermend di bernameyê de strana ‘Tu esmer î‘ ku ji bo albûma nû ya Ciwan Haco amade kirine cara yekem bi awayeke zindî bistirînin.

Hulya Avşar, bernameya yekem a sezona nû ya Hulya Avşar Show bi hunermendê navdar ê Kurd Ciwan Haco vedike. Bernameya Hulya Avşar roja înê saet 23:00 di televizyona TNT de dê were weşandin. Tê çaverêkirin ku piştî programê herdû hunermend ji bo strana ku duet çêkirine dest bi kişandina klîbê bikin.

Avşar, berî demekê ji magazîna Tirk re gotibû ku, wê bi Ciwan Haco re beriya şeş mehan duetek çêkiriye û dê di nêzîk de Ciwan were Tirkiyê û ew ê klîba wê strana Kurdî bi hevre bikşînin. Hulya Avşar, dabû zanîn ku, berî çend salan Haco di bernameyeke xwe de kiriye mêvan û li wê derê soz daye wî, rojekê pê re duetekê çêbike.(Rudaw)