Amadekarî ji bo civîna her pênc serokan tê kirin

Li herêma Kurdistanê ji bona ku her pênc serokên hêzên serke li Kurdistanê bi hevre bicivin  xebatên cidî tên kirin

Li gor malpera NRT, sekreterê Yekêtiya Niştimaniya Kurdistanê Celal Talebanî amadekariyên civîneke bala di navbera her pênc serokê hêzên sereke li herêma Kurdistanê; Mesûd barzanî serokê PDK, Celal Talebanî sekreterê YNK, Newşêrwan Mistefa serokê Tevgera Goran, Selahedîn Behaedîn emîndarê Yekgirtuya Îslamiya Kurdistanê û Elî Bapîr emîrê Komeleya Îslamiya Kurdistanê dike.

Lo gor heman çavkaniyê, Celal Talebanî serokomarê Îraqê heta demeke din dê li Silêmaniyê bimîne û ji bona rêxistina navnala kurd û yekxistina helwestê herêma Kurdistanê li hember kirîza siyasî û emnî ya Îraqê civîneke lutkê bi amadebûna serokê her pênc partiyên serke li herêma Kurdistanê pêkbîne.

Piştî alozbûna rewşa siyasiya Îraqê û kûrbûna nakokiyên navbera Lîsteya Îraqiye a bi serokatiya Eyad Elawî û Hevpeymaniya Niştimanî a bi serokatiya Nurî Malikî, çenda careke serokê Kurdistanê Mesûd Barzanî û serokomarê Îraqê Celal Talebanî peywendî bi hev kiriye û li ser mekanîzma çareserkirina rewşa Îraqê û yekxistina helwestê herêma Kurdistanê li hember kirîza Îraqê gotûbêj kirine.