Polîrburoya YNKê di salvegera PDKê de, peyameke pîrozbayiyê arasteyî Polîtburoya PDK û alîgirên wê kir û tê de got: “Parastina qewareya Herêma Kurdistanê û destkeftên wê, pêwîstî bi hevahengî, fîdekariya netewî û pêşxistina hevpariyê heye.”
Polîtburoya Yekîtiya Niştimanî ya Kurdistanê (YNK) bi boneya 77emîn salvegera damezrandina Partiya Demokrat a Kurdistanê (PDK) peyameke pîrozbahiyê arasteyî Polîtburoya PDK û alîgirên wê kir.
Polîtburoya YNKê di peyama xwe de ji bilî pîrozkirina li PDKê, hêvî xwast jî, “ev salveger bibe derfetek ji bo pêşxistina pêwendiyên di navbera hêz û partiyan de di vê rewşa ku pêwîstî bi rêxistinkirina pêşîneyên têkoşînê heye ji bo pêşxistina jiyan û guzariya gelê me.”
Polîtburoya YNKê dibêje: “Kurdistan û ezmûna wê berhema xwîna geş a bi hezaran şehîd û qurbaniyan e, ji ber wê jî parastina qewareya Herêmê û destkeftan, pêwîstî bi heVahengî, fedekariya netewî û geşbûna hevpariyê heye.”
