PDK ji bo beşdarbûna di Hilbijartina Meclisa Parêzgeha Kerkûkê de, dê bi hinek partiyên dion re hevpeymaniyekî ava dike.
Alîkarê Berpirsê Ofîsa Rêkxistina Kerkûk-Germyanê ya PDKê Mihemed Xurşîd ji K24ê re ragihand, “Em hewl didin îro hevpeymaniya şeş partiyên Kurdistanî yên li Kerkûkê li Komîsyona Bilind a Serbixwe ya Hilbijartinan tomar bikin.”
Got jî: “Eger PDK bi tena serê xwe beşdarî hilbijartinan bibe jî, dê ev partî ligel PDK’ê bin û ti pirsgirêkek wan nîne. Em hewl didin piraniya dengan bi dest bixin.”
Bal kişande ser wê yekê, Komisyona Bilind a Serbixwe ya Hilbijartinan a Iraqê çend rênimayiyên aloz ji bo tomarkirina hevpeymaniyan derxistine. Ji ber wê jî ne diyar e ku ew bikarin hevpeymaniya xwe ligel 6 partiyên din ên Kerkûkê tomar bikin yan na, lê hêvî kir ku komîsyon dema tomarkirina partî û hevpeymaniyan dirêj bike.
Biryar e roja 18.12.2023an hilbijartinên encûmenên parêzgehên Iraqê ji bilî parêzgehên Herêma Kurdistanê bên kirin. Komîsyona Bilind a Serbixwe ya Hilbijartinan a Iraqê deriyê xwe ji bo tomarkirina partiyên siyasî û hevpeymanan heta 1ê Tîrmehê û heta mehekê vekiriye.
