PAKê serdana PDK-Îranê kir

Serokê Giştî yê PAKê Mustafa Özçelik Seredana Serokê Giştî yê PDK-İranê Mistefa Hîcrî Kir.Serokê Giştî yê Partîya Azadîya Kurdistanê(PAK) rêzdar Mustafa Özçelik li gel endamê Bireveberiya Navendî ya PAKê Orhan Kaya û endamê Komîteya Başûrê Kurdistanê Temo Ayas roja 17.04.2018an li Başûrê Kurdistanê, li Koy Sancaqê seredana Partîya Demokrat a Kurdistana Îranê(PDK-İran) kir.Heyeta PAKê ji alîyê Serokê Giştî yê PDK-İranê rêzdar Mistefa Hîcrî, Cîhgirê Serokê Giştî yê PDK Îranê Rêzdar Hesen Şerîfî, endamên Desteya Karger rêzdaran Mihemed Nezîf Qadirî, Kerîm Perwîzî, Tahir Mehmûdî ve hate pêşewazî kirin.Rêzdar Mustafa Özçelik ji bo careke din weke Serokê Giştî hilbijartina Rêzdar Mistefa Hîcrî, pîrozbahîya cenabê wî kir û serkeftin ji rêvebirîya nû ya PDK Îranê re xwest.Rêzdar Mistefa Hîcrî jî spasîya hyeta PAKê kir.Sekreterê Giştî yê PDK-İranê rêzdar Mistefa Hîcrî behsa xebatên xwe yên li Rojhilatê Kurdistanê kir.Serokê Giştî yê PAKê rêzdar Özçelik jî , behsa xebatên PAKê kir û piştgirîya xwe ya jibo xuşk û birayên me yên li Rojhilatê Kurdistanê bilêv kir.Herdu aliyan di derbarê Tirkiyê, Îranê û Kurdistanê de bîr û rayên xwe yên siyasî anîn zimanî.Hevdîtina heyeta PAKê û ya PDK-İranê di atmosfereke germ , berhemdar û dostane de derbas bû. 18.04.2018Buroya Çapemenî û Ragehandinê ya PAKê