28 Baroya daxwaza dawîhatina tayinkirina qayuma kirin

Baroyên Edene, Semsur, Agirî, Enqere, Antalya, Êlih, Bîngol, Bedlîs, Bolu, Burdur, Bursa, Çanakkale, Çankiri, Amed, Colemêrg, Îdir, Isparta, Îzmîr, Qers, Kocaelî, Mêrdîn, Mûş, Sêrt, Şirnex, Dersim, Wan û zonguldagê 28 baroyên ku di nav wan de Tûncelî, Wan û Zonguldakê bi daxuyaniyeke hevpar bertek nîşanî tayînkirina qeyûm li Şaredariya Colemêrgê dan.

Di daxuyaniyê de hat diyarkirin ku biryara tayînkirina qayum, mafê hilbijartina azad ku, bingeha demokrasî û hiqûqê ne, asteng dike.

Di daxuyaniya hevpar a 28 baron de ev daxuyanî hatin dayîn:

Namzedê Partiya DEM’ê Mehmet Siddik Nakit di Hilbijartina Giştî ya Rêveberiya Herêmî û Şaredariya Colemêrgê ya di 31’ê Adara 2024’an de pêk hat de bi ser ket û piştî wergirtina belgeya hilbijartinê dest bi kar kir. Şaredarê Bajarê Colemêrgê Mehmet Siddik li Wanê bi hinceta lêpirsîna Serdozgeriya Komarê ya Colemêrgê dimeşîne hat binçavkirin û di heman saetan de Avahiya Xizmetguzariyê ya Şaredariya Colemêrgê ji aliyê hêzên ewlehiyê ve hat astengkirin û li avahiyê lêgerîn hat kirin. Dema ev geşedan diqewimin, Wezareta Karên Hundir bi hinceta dosyaya darizandinê û pêvajoya binçavkirinê ji raya giştî re ragihand ku Waliyê Colemêrgê weke qeyûm tayînî Şaredariya Colemêrgê hatiye kirin. Di van demên dawîn de li welatê me mijara herî pêwîst sazkirina norm û nirxên gerdûnî û asayîbûnê ye. Ji bo vê jî şert û merc hebûna rêveberiyeke wekhev, azadîxwaz, adil û aştiyane ye. Bi biryara tayînkirina qeyûman re, mafê dengdayîn û hilbijartina bi rêya hilbijartinên azad, ku bingeha demokrasî û hiqûqê ye, hate astengkirin,

Berdewamiya daxûyaniyê de hate diyarkirin ku; Şertê yekem û pêwîst ê demokrasiyê, naskirina îradeya hilbijêran e. Parastina demokrasiyê, rêzgirtin û parastina vîna hilbijêran di nîzameke demokratîk de erka her kesî ye. Di vê çarçoveyê de em bang li hêzên siyasî dikin ku dest ji tayînkirina qeyûman berde û şaredarê ku hatiye hilbijartin ji nû ve vegerîne.”