Tirkiye bombebaran kir, du gundîyan jiyana xwe ji dest da

Li Çiyayê Grêye yê navçeya Şêladizeyê hate bombebarankirin û di êrîşa hewayî de 2 sivîlan jiyana xwe ji dest dan û sivîlek jî birîndar bû.

Li gorî agahiyên ji deverê hatin, îro danê sibê ji bo dayîn heva giyayên biharê gundî çûne çîyê. Çiyayê nêzikî gundê Dêwîkî yê ser bi navçeya Şêladizê ya parêzgeha Duhokê hate bombebaran kirin. Encama bombebranê de, du gundiyên sivî jiyana xwe ji dest dane û kesek jî birîndar bûye. Ev bombebaran ji aliyê balefirên Tirkiye ve hatiye kirin.

Wek tê zanîn balefirên Tirkiye li van çiyan baregehên PKKê bombebaran dikin. Gelek cara çekdarên PKKê nêzikî gunda cih dibin û bi vê sedemê jî dibin armanca bombebarana arteşa Tirkan. Ji xwe ji bo vê jî gelek gundên deverê hatine vala kirin û xelkê van gundan koçî bajarên wek Duhokê kirine.

Li vê deverê tu jiyana gundiyan nemaye û gelek cara encama bombebaranê de kuştî û birîndar çêdibin.