Tevgera El-Alahhiye du endamên xwe ji xwedê re kirin qurban

Li Iraqê rêxistin a bi navê Tevgera El-Alahhiye 2 endamên xwe wek “qurban”  ji xwedê re serjêkir.

Tevgera El-Alahhiye, li parêzgeha Zîkar a Iraqê bi helkefta Cejna Qurbanê serê du endamên xwe jêkir û ji Xwedê re kirin qurban.

Polîsê Îraqî roja Yekşemê li parêzgeha Dîwaniye li başûrê welêt rêveberê Tevgera El-Alahhiye girt.

Di daxuyaniya Midûriyeta Polîsan a Dîwaniyeyê de hat gotin ku “Rêveberê Tevgera El-Alahhiye ya parêzgeha Zikarê hat girtin, di lêpirsîna xwe de li xwe mikur hat ku serê 2 endamên xwe jêkirine û ji xwedê re kirine qurban”.

Tevgera Alahhiye komek Îslamî ya Şîa ye ku yekem car di sala 2020an de li Ziqarê derketiye û piştre li parêzgehên Dîwaniye, Besra û Meysanê belav bûye.