Di çarçoveya lêpirsîna ku ji aliyê Dozgeriya Komarê ya Îzmîrê ve li ser îdiayên “gendeliyê” û “bêserûberiyê” li dijî Şaredariya Bajarê Mezin a Îzmîrê hatiye destpêkirin de, ji bo 157 kesan biryara binçavkirinê hatiye dayîn. Di operasyona serê sibehê zû de hatî destpêkirin de, gelek kes hatine binçavkirin. Serokê şeredariya Îzmîrê yê berê Tunç Soyer û Serokê CHPê yê şaxa Îzmîrê Şenol Aslanoglu jî hatine binçavkirin.
Di çarçoveya lêpirsîna ku ji aliyê Dozgeriya Komarê ya Îzmîrê ve li ser îdiayên “gendeliyê” û “bêserûberiyê” li dijî Şaredariya Bajarê Mezin a Îzmîrê hatiye destpêkirin de, di saetên sibehê de operasyonek hat lidarxistin.
Hin ji gumanbarên ku biryara binçavkirinê ji bo wan hatiye dayîn ev in:
Tunç Soyer (Şaredarê Berê yê Şaredariya Bajarê Mezin a Îzmîrê)
Şenol Aslanoğlu (Serokê CHPê yê bajarê Îzmîrê)
Bariş Karcı (Sekreterê Giştî yê Berê yê Şaredariya Bajarê Mezin a Îzmîrê)
Heval Savaş Kaya (Rêveberê Giştî yê Berê yê Îzbetonê)
Ulaş Aydın (Cîgirê Sekreterê Giştî yê Şaredariya Bajarê Mezin a Manîsayê)
Engin Güzel (Cîgirê Şaredarê Şaredariya Bucayê)
Özgür Ozan Yılmaz (Cîgirê Sekreterê Giştî yê Berê yê Şaredariya Bajarê Mezin a Îzmîrê)
Çağlar Kalkan (Endamê Meclîsa Odeya Bazirganiyê ya Îzmîrê)
Gaffar Karadoğan (Cîgirê Serpizîşkê Nexweşxaneya Eşrefpaşa ya Şaredariya Bajarê Mezin a Îzmîrê)
Gürkan Erdoğan (Rêvebirê Giştî yê Îzsu)
Mehmet Hanifi Mert Yılmaz (Cîgirê Şaredarê Bayrakliyê)
Haydar İzgin (Cîgirê Serokê Navçeya Bornova )
Övünç Özgen (Cîgirê Sekreterê Giştî yê Şaredariya Bajarê Mezin a Îzmîrê)
Fırat Erkol (Kurê Serokê Parêzgeha CHP ya Enqerê Ümit Erkol)
Cîgirê Serokê CHP Murat Bakan li ser hesabê xwe yê medyaya civakî ev daxuyanî da; “Em bi operasyoneke din a sibehê şiyar bûn. Şaredarê me yê berê yê Şaredariya Bajarê Mezin Tunç Soyer, burokratên payebilind ên wê demê û Serokê Parêzgeha me Şenol Aslanoğlu di ronahiya yekem a sibehê de li Îzmîrê hatin binçavkirin. Em bi pêvajoyek dişibihe ya li Stenbolê re rû bi rû ne.
Dema ku em li navên kesên hatine binçavkirin dinêrin, em dibînin ku ev kesên ku îdiayên hatine kirin wekî pirsgirêk têne dîtin ku demek dirêj e di raya giştî de behsa wan tê kirin, li ser bingehên siyasî bi berdewamî hatine eşkerekirin, lêkolînkirin an jî nîqaşkirin. Navnîşanên van kesan têne zanîn, ew kesên ku her roj li ber raya giştî ne. Ger ji bo şahidiyê werin gazîkirin, bê guman ew ê biçin. Ev binçavkirina di sibehê de ne mecbûriyetek qanûnî ye, lê hilbijartinek siyasî ya zelal e.
