Di referandûma ku doh li Ozbekistanê ji bo guhertina destûra bingehîn hat kirin de, rêjeya dengan ji sedî 84,54 bû. Ji bo “Hûn Qanûna Destûra Bingehîn a Ozbekistanê qebûl dikin?” ji sedî 90,21ê hilbijêran bersiva “Erê” û ji sedî 9,35 jî bersiva “Na” dan. Hilbijêran bi vî awayî guhertinên makzagonê yên ku destûr dide ku Serokkomar Şevket Mîrziyoyev heta sala 2040-an li ser erkê xwe bimîne, bi piranî kat qebûlkirin.
Piştî ku Lijneya Bilind a Hilbijartinan a Ozbekistanê ragihand ku di referandûma 30ê Nîsanê de ji sedî 90ê dengdêran reform pejirandin û rêjeya beşdarbûnê jî ji sedî 85 bû, rêxistinên mafên mirovan encamên reformê nirxandin û gotin ku rêbazên otorîter yên hikûmetê rê li ber qada çalakîyên muxalefetê teng dike.
Di nav guhertinên makzagona qebûlkirî de dema wezîfeya serokê dewletê ji 5 salan bo 7 salan hat dirêjkirin. Di vê rewşê de, ji ber ku ew dikare 3 dewran bibe serokê dewletê, Mîrziyoyev wê heta sala 2040 li ser postê xwe bimîne.
