Serok Nêçîrvan Barzani pêşwaziya Balyozê Fransa li Iraqê Patrick Durel kir.
Di civînê de têkiliyên Fransa bi Iraq û Herêma Kurdistanê re hatin nîqaşkirin û li ser rewşa giştî ya Iraq û Herêma Kurdistanê, derfetên veberhênan û bazirganiyê ji bo şîrketên Fransî li Iraq û Herêma Kurdistanê nêrîn hatin parvekirin.
Herdu aliyan tekezî li ser pêwîstiya çareserkirina pirsgirêkên di navbera her du hikûmetên federal ên Iraq û Herêma Kurdistanê de bi rêya diyalogê û li ser bingeha destûra Iraqê kirin.
Herdu aliyan her wiha li ser pêşketinên dawî yên li Rojhilata Navîn axivîn û girîngiya parastina aştî û aramiyê li herêmê tekez kirin.
Gotûbêjkirina çend mijarên balkêş ên hevbeş aliyekî din ê civînê bû ku, Jan Brem, Konsulê Giştî yê Fransa li Herêma Kurdistanê amade bû.
