Serdozgeriya Amedê alayên ‘Kurdistanê’ paşde vegerand 

Bi biryara Serdozgeriya Komarê ya Amedê, alên “Kurdistan” yên ku par hatibûn desteserkirin, paşde hatin vegerandin.

Par li Amedê bi ser avahiyên Partiya Sosyalîst a Kurdistanê (PSK), Tevgera Azadî û Partiya Azadiya Kurdistanê de girtin. Di sergirtinê de alayên “Kurdistan” yên ku li avahiyên 3 partiyan hatibûn daliqandin, hatin desteserkirin.

 ‘Bila ev bibe destpêka normalbûnê’ 

Serokê Giştî yê PSKê Bayram Bozyel ragihand ku bi biryara Serdozgeriya Komarê ya Diyarbekirê al hatine vegerandin. Bozyel got: “Sala par polîsan avêt ser avahiya PSK û du partiyên Kurdî û alên Kurdistanê desteser kirin. Alayên Kurdistanê ku doh bi biryara Serdozgeriya Komarê ya Amedê hatibûn desteserkirin, hatin vegerandin. Ez hêvî dikim ku ev gav bibe destpêka normalîzasyona nû”.