Civîna hevbeş a Partiya Demokrata Kurdistanê (PDK) û Yekîtiya Niştimaniya Kurdistanê (YNK).
Polîtboruyên Yekîtiya Niştimaniya Kurdistanê (YNK) û Partiya Demokrata Kurdistanê (PDK) li bajarê Dabaşanê civînek li dar xistin. Piştî guftûgokirina rewşa navçeyê bi giştî û Iraq û Kurdistanê bi taybetî, her du aliyan tekezî li ser parastina pêkhateya Herêma Kurdistanê û mafên destûrî yên wê kir û dê hemû şiyanên xwe ji bo rûbirûbûna kêşeyên ji bo debara jiyana welatiyan bikar bînin.
Ji bo zêdetir xurtkirina hewldana herdu aliyan li ser van xalan li hev kirine:
- Her du alî piştevaniya lidarxistina hilbijartinên Parlamentoya Kurdistanê di wê demê de dikin ku Serokê Herêma Kurdistanê piştî şêwirîna li gel aliyên siyasî yên Herêma Kurdistanê diyar kiriye.
- Ji bo zêdetir xizmetkirina gelê Kurd di hemû waran de, kêşe û nakokiyên biçûk bidin aliyekî û bi hev re serî li çareseriya pirsgirêkan bidin.
- Me biryar da ku proseya birêxistinkirina hêzên Pêşmerge berdewam bikin.
- Herdu alîyan biryar dan ku piştgirîya rêkeftinên kabîneya nehem a hikûmeta herêma Kurdistanê bikin.
- Ji bo nêzîkbûna hev û derbaskirina astengan, me biryar da ku bi ruhekî Kurdistanî û niştimanperwerî hevdîtin û hemahengiya xwe ya dualî ligel hemû aliyan berdewam bikin.
