PAKê bi çalakiyan Helebçe bîranî
Partîya Azadîya Kurdistanê 15ê Adarê li bajarê Amedê li ser Komkujîya Helebçeyê (Jenosîda Helebçeyê) Konferansek li darxist. Konferans bi axaftina nûnerê PAK ê rêzdar Hanifi Turan destpêkir. Konferans bi rêzgirtina ji bo şehîdên Kurd û Kurdistanê û bi taybetî şehidên Helebceyê dest pêkir û sirûda neteweyî hat xwendin. Ji Başurê Kurdistanê lekolîner û dîroknas rêzdar Dr.Elî Teter sîyaseta Baxdayê ya li ser bikaranîna çekên kîmyewî ya berîya Helebçeyê û heta pêvajoya karesata Helebçeyê bi vesîqeyên fermî yên Hikûmeta Bexdayê bi awawyekî zelal ji beşdaran re rohn kir.Pirsên beşdarên civînê û bersivên Rêzdar Dr.Elî Teter konferans zindîtir kirin. Nûnerên gelek partî û rêxistinên sîyasî ên cuda wek KADEP ,TKDP,PDK BAKUR û HEREKETA AZADÎ jî beşdarî Konferansê bûbûn.Dîsa gelek rewşenbîr û kesayetên serbixwe û alîgir û endamên PAK ê beşdar bûbûn.Medya û çapemenî bi girseyî konferansê şopandin.
PAKê li Stenbolê bi beşdarîya Serokê Giştî yê PAKê rêzdar Mustafa Özçelik û Cîgirê Serokê Giştî yê PAKê Kasım Ergün semînereke jibo bibîranîna Helebçeyê roja 15.03.2015an li darxist.Pêşkêşvanê semînerê Serokê Şaxa Stenbolê ya PAKê Ali Fikri Işık bû. Cîgirê Serokê Giştî yê PAKê Mehmet Gül di derbarê jenosîda Helebceyê semîner da.
Partiya Azadîya Kurdistanê li Wanê roja 15.03.2015an Komkujîya Helebçeyê bibîranî. Şaxa PAKê ya Wanê di derbarê Komkujîya Helebçeyê li avahîya Teşkîlata Wanê ya PAKê Semîner li darxistin.Piştî semînerê li kolanan eşdarên Semînerê bi Pankart û dirûşmên ‘’Bijî Kurdistan’’ bi ala Kurdistanê xwepêşandanek lidarxistin.
Partîya Azadîya Kurdistanê û Encumena Niştîmanî ya Kurdî li Suriyê(ENKS) li Batmanê şeveke bîranîna bûyerên Adarê li darxistin.Li vê şevê de gelek partî û rêxistnên sîyasî wek PYKS,PDKS,Pêşverû, KDP-T,Hereketa Azadî,İnsiyatîfa Yekîtîya PDK,Nûbihar,Mazlum-der,Mala Sûrî,Komeleya Ehmedê Xanî, Komeleya Can,Tevgera Ciwanên Kurd beşdar bûbûn. Koma Hevbend ya Folklora Kurdî bi şano û muzîkên xwe rengeke zindî û Kurdistanî da şevê.Li ser navê PAKê Endamê Birêveberiya Navendî ya PAKê rêzdar Adnan Stêrk axivî. Rêzdar A.Stêrk rêberên Kurdistanê yên nemir Melle Mustafa Barzanî,Qadî Mihemed û Îhsan Nurî Paşa ku di meha adarê de gihabûn ser heqiya xwe bibîranî.Pişt re qala komkujiyên meha adarê yên wek Komkujiya 12ê adara 2004 li Qamişlo,Komkujiya Gazî ya li Stenbolê di sala 1995,komkujiya xwendekaran ya Beyazidê li Stenbol 16 Adara 1978 û 16’ê Adara sala 1988 Helebçeyê hate kirin.Axaftin bi dirûşma ”Bijî miletê Kurd û welatê me Kurdistan!” bi dawî bû.
Partiya Azadîya Kurdistanê roja 16.03.2015an li Muşê Jenosîda Helebçeyê bi girseyî bibîranî.Civîn bi rêzgirtina ji bo şehîdên Kurd û Kurdistanê dest pêkir û sirûda netewî hat xwendin.Di Civînêde li ser jenosîda Helebçeyê Serokê Şaxa Muşê ya PAKê rêzdar Cevdet Ayaz agahî da.Belavoka Jenosîda Helebçeyê ya PAKê ji alîyê ebdamê Meclîsa PAKê rêzdar Mirza Akar ve hat xwendin.Di dawîya çalakîyêde pirsên beşdaran ji alîye rêzdar Mirza Akar û endamê Bireveberiya Navendî ya PAKê Nurî Erdoğan ve hat bersîvandin.
Partîya Azadîya Kurdistanê rpja 16.03.2015an li Qosera Mêrdîn Jenosîda Helebçeyê bibîranî. Girseya gel ji ber derîyê avahîya PAKê heta Qada Azadîyê meşîyan.Piştî gihîştin qada azadîyê bi awakî girseyî ji bo şehîden Kurd û Kurdistanê rez hat girtin diderheqê Helebçeyê de beşdaran bi alên Kurdistan û gelek pankartan çalakîya xwe domandin.Daxuyanîyek Çapemenîyê ji alîye Endamê Meclîsa PAKê Bedran Acar ve hat xwendin. Girseya gel di dawîye da heta ber avahîya PAK’ê meşîyan.Pdk-s,Partîya Yekîtîya Kurd û gelek kesayetên ser bi xwe ê Rojavayê Kurdistanê beşdarî vê çalakîyê bûn.
Roja 16.03.2015an Şaxa Batmanê ya Partîya Azadîya Kurdistanê(PAK) li ber Parka Ataturkê ji bo Helepçeyê daxuyanîyek da. Serokê Şaxa Batmanê Aziz Özdemir daxuyanî xwend. Berîya daxuyaniyê ji bo şehîdên Helepçeyê pênç deqe bi bêdengî rêz hate girtin. Piştî daxuyaniyê girseyê bi bêdengî heta avahîya Şaxa Bajêr ya PAKê meşa xwe domand. 16.03.2015
Buroya Çapemenî û Ragehandinê ya PAKê
