Odeya Pîşesazî û Bazirganî ya Amedê tablet li xwendekarên ku dersên kurdî hilbijartine belav kirin.
Odeya Pîşesazî û Bazirganî ya Amedê (DTSO) bi merasîmekê 700 tablet li xwendekarên ku di nav dersên hilbijartî de kurdî hilbijartine belav kirin.
Merasîm danê êvarê li Navenda Kongreyê ya Sezaî Karakoç hat lidarxistin. Hevşaredarê Bajarê Mezin Dogan Hatun, Hevşaredarên Yenîşehîrê Safiye Akdag û Mehmet Ergûn, Serokê DTSO Mehmet Kaya, endamên Lijneya Rêveberiyê û gelek nûnerên saziyên sivîl beşdarî merasîma ku li Navenda Kongreyê hat lidarxistin bûn. Hevşaredara Yenîşehîrê Safiye Akdag di bernameyê de axivî û got, “Em ê hem bi kurdî hem jî bi zazakî qursan vekin.
“Em ê van tabletan wek diyarî bidin xwendekarên ku serî li van kursan didin.” Piştre Hevşaredarê Bajarê Mezin Dogan Hatun axivî û got, “Ger gelê me bixwaze bi zimanê xwe yê zikmakî bixebite, heta kesên di vî warî de dixebitin, akademî jî di nav de, ger bixwazin qursan vekin, em ê alîkariya hemûyan bikin. Piştî axaftina Serokê DTSO Mehmet Kaya ya li ser girîngiya zimanê zikmakî ji 700 xwendekaran re tablet hatin dayîn.
Par ji ber erdheja 6ê Sibatê ya ku li 11 parêzgehan bandor kiribû, tablet li zarokan nehatibûn belavkirin. Her sal hem hejmara zarokên ku kurdî hildibijêrin hem jî hejmara tabletên ku tên belavkirin zêde dibin.
