Nêçîrvan Barzanî û Recep Tayyip Erdogan civiyan
Îro danê evarî li Antalyayê Serok Nêçîrvan Barzanî ligel Serokomarê Tirkiyê Recep Tayyip Erdogan civiya.
Her du alî behsa giringiya têkeliyên Tirkiye, Iraq û Herêma Kurdistanê di hemû waran de kirin û tekezî li ser pirojeya geşepêdana rêyan kirin. Her wiha tekez li ser xwesteka dualî ya berfirehkirina hevkariyê bi awayekî ku xizmeta berjewendiyên hevpar ên her du aliyan bike, kirin.
Di hevdîtinê de pêvajoya aştiyê û hevdîtina dawî ya Serokomar Erdogan a bi heyeta Îmraliyê re jî hatin nirxandin. Serok Nêçîrvan Barzanî jî rola Serokomar Erdogan di vî warî de bilind nirxand û pêvajo dîrokî bi nav kir û tekez kir ku Herêma Kurdistanê ji bo her alîkariyê ji bo serxistina pêvajoyê amade ye.
“Pêvajoya aştiyê firsendeke ku divê her kes pir bi ciddî li ber xwe bide û ev derfet ji dest neçe. Her wiha tekez kir ku divê PKK daxwaza birêz Ocalan bi cih bîne û bi hemû awayî li gorî wê tevbigere da ku pêvajoya aştiyê bi ser bikeve.
Di hevdîtinê de pêşhatên dawî yên navçeyê bi giştî û rewşa Sûriyê bi taybetî, giringiya parastina aramî û aramiyê û çendîn mijarên din ên berjewendiya hevbeş hatin gotûbêjkirin.
