Mistefa: Sîyaseteke cuda ji sîyseta derveya Îraqê nîne
Berpirsê peywendîyên derve yê hikumeta Kurdistanê duh, ragihand: Herêma Kurdistanê li gor destûra bingehîn a Iraqê kar dike , ev yek jî mina bersivekê bû ji bo daxûyanîya serokwezîrê Iraqê Nurî Malikî.
Serok wezîrê Iraqê Nurî Malikî, di roja şemêya borî de li bajarê Necefê gotibû:
– Sîyaseta derveya Iraqê tenê Bexda biryarê li ser dide, siyaseta derve ne ji desthilastên wîlayetan û ne jî ji yên herêma ye.
Berpirsê peywendîyên derve Felah Mistefa xûyakir ku, hikumeta Kurdistanê bi destûra Iraqê pabende, jiber ku herêma Kurdistanê jî beşeke ji hikumeta fedrala Îraqê.
Mistefa got jî ku, destûra Iraqê bi zelalî diyar dike ku, sîyaseta derve ji desthilata hikumeta federalî ye:
– Em jî beşekin ji Iraqê û girêdayî sîyaseta derve ya welêt in, me sîyaseteke taybet ku, cuda be ji sîyseta derveya Iraqê nîne.
– Hikumeta Kurdistanê nûnerên xwe li gelek welatan hene weke; Amrîka, Brîtanya, Frensa, Almanya, Îtalya, Siwîsra, Îspanya, Swêd, Austiralya û Austriya. Herwesa hejmara nûnerên welatên bîyanî li Kurdistnê niha gehaye 25 nûneratîyan.
