Firokeyên Tirkiye gundê Seydanî Jêr yê ser bi navçeya Çemçemal a li sînorê Silêmaniyê mûşekbaran kir, ku baregeha PKKê lê ye û di encamê de du kes birîndar bûn.
Berdevkê Rêveberiya Giştî yê Tendirustiya Çemçemalê Şerîf Rehîm ji Kurdistan24ê re ragihand; du birîndar anîne navenda nexweşxaneya Çemçemalê ku yek ji wan jineke 24 salî û yê din jî mêrekî 35 salî ye.
Şerîf Rehîm eşkere kir ku niha her du birîndar tên tedawîkirin, lê dibe ku ji ber giraniya birînê, zilam bo nexweşxaneya Silêmaniyê were veguhestin.
