Kurdistanê pêwîstî bi hevkarîya civaka navdewletî heye
Nêçîrvan Barzanî serokwezîrê Kurdistanê li Hewlêrê, pêşwazî li Karmelo Fîkara konsulê Îtaliyayê yê herêma Kurdistanê kir.
Di civînekê de, konsulê Îtaliyayê careke din tekîd kir ku, welatê wî, Îtaliya, bi çavekî giring li peywendiyên bi herêma Kurdistanê re dinihêre û dixwaze wan tekeliyan di hemû waran de xurtir û berfirehtir bike. Wî got ku, kosulxaneya Îtaliyayê a herêma Kurdistanê roleke giring di berfirehkirina kenalên têkeliyan bi herêma Kurdistanê re û zaniyariyên pêwîst bi wan îtaliyayîyan yên ku, dixwazin li herêma Kurdistanê serrmayeyê xwe birazîn in, dide.
Rewşa nû ya Îraqê, kirîza ewlehiyê li Îraqê û metirsiyên teror û DAÎŞê li ser deverê mijarek din a civînê bû û di vê çarçoveyê de konsulê Îtaliyayê got ku, ew bi berdewamî hikûmeta welatê xwe bi pêşhatên nû agadar dikin û Îtaliya agadar e ku, herêma Kurdistanê herêmek biîstîqrar, aram û bi ewle ye û ji bo bazirgan û sermayerazandinê jîngehek minaisb e û ji ber hindê şirket û kompaniyên îtalyayî bi awayekî çalak beşdariyê di bizava bazirganî û êkonpmî de dikin û tê pêşbînîkirin di sala bê de zêdetir ji sed kompaniyên îtalyayî di pêşangeha navdewletiya Hewlêrê de beşdar bin.
Pirsa penaberên surî û penaberên navxweyî yên Îraqê yên li herêma Kurdistanê, di civînê de, hat gotûbêj kirin û konsulê Îtaliyayê got ku, ka çewan berê hikûmeta wî alîkariya penberan kiriye dê niha jî digel aliyên peywendîdarên hikûmeta herêma Kurdistanê bi berdewamî alîkariya penaberan bike û niha 7 rêxistinên ne hikûmî NGO yên îtaliyayî li herêma Kurdistanê di warê alîkarîkirina penaber û koçberan de kar dikin.
Serokwezîrê Kurdistanê, ji aliyê xwe ve, got ku, herêma Kurdistanê jî bi giringî li peywendiyên xwe yên digel Îtaliyayê dinhêre û dixwaze di hemû waran de têkeliyên xwe bi Îtaliyayê re pêş bixe. Li dor rewşa penaberan jî, serokwezîr gor ku, di warê penaber û koçberan de piroblem heye û, mixabin, hikûmeta Îraqê bi tu awayî hest bi berpirsiyariya xwe nake, ji ber hindê hikûmeta herêma Kurdistanê pêwîstî bi hevkarîya civaka navdewletî heye û hijmara penaber û koçberan ji îmkanên hikûmeta herêma Kurdistanê zêdetir e û pêwîste hemû alî zêdetir hevkarî û alîkariya wan bikin. Hikûmeta herêma Kurdistanê hemû penaberan wek yek, bê cudahiyên neteweyî, olî û mezhebî diparêze. Bi taybetî li deşta Nînewayê ku, pêkhateyên neteweyî, olî û mezhebên yên cuda li wê deverê hene.
Behsa guhertinên piştî kontrolkirina Mûsilê ji aliyê terorîstan ve hatiye holê, hat kirin û serokwezîr tekîd kir ku, Îraqa pêş kotirolkirina Mûsil û piştî ketina Mûsilê û deverên din, Îraqek cudaye.
