.Hikûmeta Herêma Kurdistanê hin komên Heşdî Şebî bi çêkirina kaosê tawanbar kir û got ku tohmetên li dijî saziyeke fermî ya ewlehiyê ya Iraqê ji aliyê Hikûmeta Herêma Kurdistanê ve nayên qebûlkirin.
Di 3ê Mijdarê de, di derdora saet 22:00an de, balafireke bê mirov êrîşî Balafirgeha Navneteweyî ya Hewlêrê kir û piştî ku pergala parastina hewayî ya balafirgehê bersiv da,ket xwar.
Hikûmeta Herêma Kurdistanê ragihand ku li Herêma Kurdistanê ti baregeheke Îsraîlê tune.
Berdevkê Sûdanî got, “Em ji Hikûmeta Herêma Kurdistanê dixwazin ku her delîlekê pêşkêşî rayedarên fermî bike.”
Hikûmeta Herêma Kurdistanê got ku ew ji rayedarên peywendîdar hêvî dike ku di rewşa gefên li ser Herêma Kurdistanê û herêmên din de tedbîrên pêwîst bigirin.
Li gorî daxuyaniyek ji aliyê Wezareta Navxweyî ya Hikûmeta Herêma Kurdistanê ve hatiye dayîn, çend medyayên fermî yên Îranê ragihandine ku duh bi şev li Hewlêrê bi dronekê êrîşî baregeheke Îsraîlê hatiye kirin.
Wezareta Navxweyî van hemû raporan red kir û got, “Ew şaş in û ji rastiyê dûr in. Li Kurdistanê baregehên Îsraîlê tune ne û operasyonên wisa nehatine kirin.
“Duh bi şev li devereke çolê ya nêzîkî Hewlêrê dronek ket xwarê, û ev êrîş ji aliyê hin komên girêdayî Heşdî Şabî ve bi mebesta çêkirina kaosê hatine kirin. Divê rayedarên têkildar ên hikûmeta federal sînorek ji van kiryarên wêranker re deynin.
Hikûmeta Iraqê: Tawanbarkirina saziyeke fermî ya ewlehiyê ya Iraqê nayê qebûlkirin
Hukumeta Iraqê daxûyaniyek da, Sebah Numan, berdevkê fermandarê giştî yê hêzên çekdar ên Iraqê, dibêje ku, “Em ji Hukumeta Kurdistanê dixwazin ku her delîlekê pêşkêşî rayedarên fermî bikin. Hikûmeta federal dê tu carî li ser hesabê ewlehiya welatiyên Iraqî tawîzan nede û dê dudilî neke ku li dijî her kesê ku hewl dide bêîstîqrariyê xirab bike tedbîrên qanûnî yên tund bigire.”
Di encamê de hate gotin ku pirsgirêkên heyî hewceyê hevrêzî û hevkariyê bi rêya kanalên fermî ne, li şûna “destwerdana daxuyanî û kanalên medyayê, ji ber ku ev yek derfetê dide dijmin û aliyên dijmin ku bêrêziyê li saziyan bikin û zirarê bidin îstîqrara Iraqê.”
