Fidan: PKKê li Tirkiyeyê santîmek erd jî kontrol nekiriye…
Wezîrê derve yê Tirkiye Hakan Fidan şevîdin beşdarî bernameya kanala NTV bû. Fidan di hevpeyvînek dirêj de behsa rewşa Tirkiye û siyaseta Tirkiye ya derve kir. Fidan beşek axavtina xwe de behsa pûwendiyên Tirkiye û Iraqê û vê yekêve girêdayî behsa PKKê kir.
Wezîrê Derve yê Tirkiyeyê Hakan Fîdan ragihand, di şerê li dijî PKKê de, hemahengiya Tirkiye bi hikûmeta Iraqê re heye û PKK pêşketina Iraqê asteng dike.
Fîdan amaje bi serdana xwe ya bo Bexda û Hewlêrê kir û ragihand, Iraq ji bo wan girîng e û ew dixwazin ligel Bexdayê şerê PKKê bikin.
Fîdan got jî: “Rewşa nearam a Iraqê di berjewendiya PKK û rêxistinên terorê de bû, ji ber wê jî operasyonên xwe yên leşkerî dewam kirin.”
Wezîrê Derve yê Tirkiyeyê diyar kir: “PKKê li Tirkiyeyê santîmek erd jî kontrol nekiriye, li Iraq û Sûriyeyê jî çend navçe kontrol kirine.”
Herwiha got: “Li welatekî tijî komên çekdar, çareserkirina pirsgirêkên enerjî, av û binesaziyê zehmet e. PKK pêşketina Iraqê asteng dike.”
Fîdan got jî: “Tirkiye welatekî mezin e û di 20 salên dawî de kariye pirsgirêkên binesaziyê çareser bike. Me ji Iraqê re got ku divê ji vê yekê sûd werbigirin.”
