Çalakîya Piştgirîya Rojhilatê Kurdistanê

PAKê(Partîya Azadîya Kurdistanê) îro li Muşê çalakîya piştgirîya raperîna Rojhilatê Kurdistanê û resepsiyona Şaxa Muşê lidarxist.
Çalakîya piştgirîya raperîna Rojhilatê Kurdistanê li ber avahîya Şaxa Muşê ya PAKê destpêbû.

Girseyeke mezin bi Alayên Kurdistanê,bi pankartên ‘’Em Lanetê li Destdirêjên Jina Kurd Ferînazê Dibarînin’’ û ‘’Bijî Raperîna Gelê me yê Rojhilatê Kurdistanê’’ û bi dirûşmên Kurdistanî ji ber Şaxa Muşê ya PAKê heta Mala Mamosteyan meşîyan û rejîma Îranê protesto kirin.

Girse li ber Mala Mamosteyan kom bû û li wê dere bi Kurdî û Tirkî daxuyanîya PAKê ya di derbarê raperîna Rojhilatê Kurdistanê de hate xwendin.
Girseyê li vê dere jî diruşmên wek ‘’Bijî Raperîna Rojhilatê Kurdistanê’’,’’Ferînaz Şehîda KurdistanÊ ye’’,’’Îran deste xwe ji Kurdistanê bikşîne’’,’’Bijî Azadîya Kurdistanê’’ avêtin.

Paşê girseya ku beşdarî çalakîyê bû derbasî Hola Konferansê ya Mala Mamosteyan bû.
Li Mûşê, ji 500î zêdetir kes beşdarî  Resepsîyona PAKê bûn.

Resepsîyon bi rêzgirtina ji bo şehîdên Kurdistanê û xwendina sirûda Ey Reqîb destpêbû.

Serokê Şaxa Muşê yê PAKê rêzdar Cevdet Ayaz bixêrhatina beşdaran kir.Paşê Endamê Komîteya Birêveberîya Navendî rêzdar Abdullah Özten di derbarê resepsîyonê û bîr û rayên PAKê de axaftinek kir.

Resepsîyon bi axaftina Serokê Giştî yê PAKê rêzdar Mustafa Özçelik berdewam kir. Rêzdar Mustafa Özçelik hemû axaftina xwe bi Kurdî kir. Axaftina rêzdar Mustafa Özçelik gelek caran bi diruşmên ‘’Bijî Kurdistan’’, ‘’Bijî Azadîya Kurdistanê’’ hate birîn.

Piştî axaftina rêzdar Mustafa Özçelik li ser navê Navenda Rewşenbîrî ya Pêşmerge ya Başûrê Kurdistanê heyetekê plaket pêşkêşî rêzdar Mustafa Özçelik û Zêrewan Nêrweyî kir.

Serokê Giştî yê PAKê rêzdar Mustafa Özçelik û birêverên PAKê rozeta PAKê bi endamên nû yên ciwanên Muşê ve vekirin.
Resepsîyona PAKê ya Muşê û çalakîya piştgirîya raperîna Rojhilatê Kurdistanê bi girse û coşa xwe bi serkeftî û hêvîdar bû.

Gelek sazî,partî û şexsiyetên Muşê beşdarî resepsiyonê bûn. Hinek ji wan beşdaran ev in:
Ji Başurê Kurdistanê rêzdaran Zêrewan Nêrweyî û Zagros Berwarî, Heyeta Navenda Rewşenbîrî ya Pêşmerge û Komeke gêncên Başur yên li Wanê dimînin,Ji Rojavayê Kurdistanê heyeta PYKSê,Serokê Şaredarîya Anzarê rêzdar Mahmut Subaşı,Serokê Şaredarîya Kızılağacê rêzdar Burhan Öğüt,Serokê Şaredarîya Korkutê rêzdar Haşim Arık,Serokê Baroya Muşê rêzdar Feridun Taş,İHD,Cemîyeta Rojnamevanên Mûşê,Serokê DDKAyê rêzdar Şehmus Solgun,Odeya Esnaf û Senatkaran,Eğitim Bir-Sen,rêveberîya AKPê ya Muşê,ji CHPê İsmail Adanır,rêzdar Sait Sever,rêzdar Nurettin Danış,rêzdar Erhan Toplu,Koma Melayên Kurd,Muxtarên şeş taxên Muşê beşdar bûn.

PAK bi hestên welatperwerane spasîya hemû beşdar û amadekarên resepsîyonê û çalakîyê dike.

Buroya Çapemenî û Ragihandinê ya PAKê(PArtîya Azadîya Kurdistanê)

PAK