Bayhan: Em ji bo gelê Kurd û Filistîn mafê çarenûsî dixwazin
Alîkarê Serokê Giştî yê Partiya Kedê (Emek Partisi-EMEP) û Wekîlê Stenbolê Îskender Bayhan, di derbarê daxuyanî û têkiliyên rayedarên Tirkiyê û Sûriyê daxuyaniyên balkêş da. Bayhan, bi taybet di derbarê pirsa Kurd û Filistîniyan de got ku wek EMEP ew mafê çarenûsî ji her du gelan re dixwazin.
Bayhan, bal kişand ser îhtîmala operasyonek leşkerî ya Tirkiyê û got: “Rêveberî operasyona leşkerî ya li dijî Kurdan ji bo dîzaynkirina siyaseta navxweyî bi kêr dibîne. Di vê dema ku kedkar li hember siyaseta aborî ya hikûmetê bertekek cidî nîşan didin, dixwazin bi operasyona leşkerî şovenîzm û neteweperestiyê zêde bikin û rê li ber bertekên li dijî wan bigirin. Ji aliyê din ve desthilatdarî bi operasyonek nû hêvî dike ku vê pêvajo di heman demê de ji bo armanca çêkirina destûrek nû û fişarên li ser opozîsyonê bi kar bîne. Bi danîna peywendiyên siyasî yên bi Sûriyê re tê xwestin ku di danûstandinan de destê xwe li ser vê mijarê bihêz bike û di avakirina Sûriyê de para xwe bi dest bixe”.
‘Hikûmeta Esad WÊ NEXWAZE BI KURDAN RE ŞER BIKE’
Îskender Bayhan, diyar kir ku hikûmeta Tirkiyê hem ji armancên xwe yên herêmî û hem jî li ser xeta xwe ya çareseriya pirsgirêka Kurd plan nake ku ji Sûriyê vekişe û got: “Her çendî ku ji ber hevkariya rêveberiya xweser a Kurdistanê aciz be jî, girîng e ku mirov bêje nêzîkatiya rêveberiya Sûriyê ya li hember Kurdan ji nêzîkatiya hikûmeta Erdogan cudatir e. Ji destpêka şerê Sûriyê ve ji bilî çend pevçûnên piçûk, tu şerê çekdarî di navbera rêveberiya Esed û Kurdan de çênebûye. Ji ber vê yekê, her çend ew dixwaze rêveberiya xweser ya Kurdî razî bike da ku destkeftiyên sînordar qebûl bike jî, lê hikûmeta Esed bi hêsanî naxwaze bi Kurdên ku wan di nav hêzên netewî de dihesibîne bikeve nav şerekî rasterast”.
Bayhan, ji bo pirsgirêka Tirkiye-Sûriyê û rêveberiya Kurd a li herêmê bal kişand ser çareserî û pêşniyazên Partiya Kedê (EMEP) û got: “ Ji bo dawîanîna hemû dagîrkerî û ji bo naskirina mafê gelê Kurd û Filistîn, em li ser bingeha xwerêveberî û avakirina pêşerojek demokratîk û aştiyane ya herêmê nêzîkî mijarê dibin. Em ji bo gelê Kurd û Filistînê mafê çarenûsî dixwazin. EMEP têkoşîna hevpar û hevgirtina gelên herêmê diparêze”.
