Alîkarê Serokê Giştî û Berdevkê Partiya Doza Azadê (HUDA-PAR) Yunus Emîroglu ragihand ku bûyerên vê dawiyê yê li parêzgeha Kerkûkê ya Başûrê Kurdistanê çêbûne gihiştine asteke wiha ku bûne sedema nîgeraniyê û got:
“Li dijî hewildanên têkdan û provakasyonê divê hemû alî xweragir bin û bi rihekî yekitî û hevgirtinê tevbigerin.
Divê alî xwe ji çalakî û gotinên ku dibin sedema krîzek etnîkî dûr bixin.”
Emîroglu li ser helwesta Tirkiyeyê ya li hember Kerkûkê jî got:
“Tirkiye divê ne tenê bo Tirkmenan herwiha di wê zanebûnê de be ku Kurd û Erebên li navçeyê jî hemnetew, hemol û birayên weletiyên Komara Tirkiyeyê ne û ziman û helwestek giştgîr nîşan bide ku wan jî li xwe bigire.”
Alîkarê Serokê Giştî û Berdevkê Partiya Doza Azad (HUDA PAR) Yunus Emîroglu roja Sêşemê li navenda giştî ya partiya xwe daxuyaniyeke çapemeniyê saz kir û derbarê mijarên di rojevê de axivî.
Piştî bûyerên li Kerkûkê Wezîrê Karên Derve yê Tirkiyê Hakan Fîdan û hinek ji berpirsên îdarî û siyasî yên Tirkiyeyê digotin ku Kerkûk welatê Tirkmenan e lê Yunus Emîroglu li ser vê helwestê jî wiha anî ziman:
“Tirkiye divê ne tenê bo Tirkmenan herwiha di wê zanebûnê de be ku Kurd û Erebên li navçeyê jî hemnetew, hemol û birayên weletiyên Komara Tirkiyeyê ne û ziman û helwestek giştgîr nîşan bide ku wan jî li xwe bigire.”
“Divê Tirkiye ji bilî Tirkmenan helwestek giştgîr bo Kurd û Ereban jî nîşan bide”
Alîkarê Serokê Giştî û Berdevkê HUDA-PARê Yunus Emîroglu wiha axivî:
“Bûyerên li Kerkûkê çêdibin gihiştine asteke wiha ku bûne sedema nîgeraniyê.
Li dijî hewildanên têkdan û provakasyonê divê hemû alî xweragir bin û bi rihekî yekitî û hevgirtinê tevbigerin.
“Divê alî xwe ji gotinên ku dibin sedema krîzek etnîkî dûr bixin”
Divê alî xwe ji çalakî û gotinên ku dibin sedema krîzek etnîkî dûr bixin.
Divê armanca sereke pêkanîna bihevrejiyana Kurd, Ereb û Tirkmenan di nav aşitî û ewlehiyê de be.
Divê rê bi helwestên nijadperst û mezhebî neyê dayîn ku zererê didin vê yekitiyê.
“Dijberkirina grûpeke etnîkî ti sûdekê nade”
Dijberkirina grûpeke etnîkî û mehzhebî li hember grûpekê din ti sûdekê nade.
Berovajî vê dibe sedema zererdîtina hemû aliyan û dibe ku deriyan bo proseyek wêrankertir veke ku pêşî lê neyê girtin.
Divê hemû alî rêzê li mafên destûrî yên hev bigirin û pêbendî van mafan bin.
Welatên cîran ên Îraqê jî divê xwe ji her pozîsyoneke ku navçeyê ber bi nearamî û rûbirûbûnan ve dibe dûr bixin.
Li aliyê din Tirkiye divê ne tenê bo Tirkmenan herwiha di wê zanebûnê de be ku Kurd û Erebên li navçeyê jî hemnetew, hemol û birayên weletiyên Komara Tirkiyeyê ne û ziman û helwestek giştgîr nîşan bide ku wan jî li xwe bigire.”
