Wezareta Pêşmerge ya Herêma Kurdistanê di derbarê êrîşa çekdarên PKKê de daxûyaniyek ragihand. Wezereta Pêşmerge dibêje ku çekdarên PKKê kemînek li pêşiya hêzên pêşmerge danî bû.
Daxuyaniya Wezareta Pêşmerge:
Vê sibê 5ê Hezîrana 2021ê, hêzeke Pêşmerge di dema bicihanîna erkekî serbazî de li Çiyayê Metîna yê li navçeya Amêdî, bi mebesta parastina xelk û gundên vê navçeyê û vegerandina asayîşê bo deverê, ji aliyê hêzeke PKKê ve kemînek bo wan hatiye danîn, di encamê de pênc Pêşmerge şehîd bûn û çar Pêşmerge jî birîndar bûn.
Berî niha jî me hişyarî dabû ku di egera rûdana bûyerên bi vê şêweyê de divê her kes rêz li sînorê Herêmê bigrin û asayîş û seqamgîriya Herêma Kurdistanê nexin metirsiyê.
Wezareta Pêşmerge
5ê Hezîrana 2021ê
