Polîtîk

Serok Barzanî pêşwaziya Wezîrê Derveyê Lubnanê û şanda li gel kir

Li Selaheddîn Serok Mesûd Barzanî pêşwaziya şandekî bilinda Hikûmeta Lubnanê ya bi Serokayetiya Cubran Basîl Wezîrê Derveyê Lubnanê kir. Şanda li gel Wezîrê Derveyê Lubnanê jî, ji Wezîrê Rûbirûbûna Gendeliyê û hejmarek mezine şêwirmendên Hikûmeta Lubnanê pêkhatibû.

Li hevdîtinê de Wezîrê Derveyê Lubnanê pîrozbahiya serkeftinên hêzên Pêşmerge li dijî terorîstên Da’îş li Serok Barzanî kir û pêzanînên xwe ji bo qurbanîdana xelkê Kurdistanê li şerê terorîstan de hebû. Her wiha spasî Herêma Kurdistanê kir ku hêsankariyeke tevahî ji bo kompanya û hemwelatiyên Lubnanê kiriye û amadehiya welatê xwe jî, ji bo pêşxistina peywendiyên siyasî û aborî û çandî yên di navbera her dû aliyan de ragihand. Her wiha hevkarî û hevdû nêzîkbûna zanîngeh û navendên zanistiyên Lubnan û Herêma Kurdistanê derbirî.

Ji aliyê xwe ve Serok Barzanî bi germî bi xêrhatina şanda mîhvanan kir û xweşhaliya xwe jî, ji bo berfirehkirina peywendiyan yên li warê cûda cûdayên di navbera her dû aliyan de nîşanda.

Her li vê civînê de rûbirûbûna hizra terorê û her wiha kûrkirina çanda pêkvejiyan û hevdû qebulkirinê guftûgokirin û Serok Barzanî ronahî xiste li ser çanda kevnara gelê Kurdistanê ku bi tu awayek hestiyariya olî û mezhebî û neteweyî li beranber pêkhatan de tûne û ragihand civaka Kurdistanê hizra teror û înkarê red dike.

Di derbarê rewşa koçberan û avadankirina navçeyên ziyanlêketiyên şerê Da’îş de, Serok Barzanî ragihand ku civaka navdewletî li yarmetîdana koçber û penaberên li Herêma Kurdistanê de kêmterxem bûye.

Rewşa siyasiya Iraqê û peywendiyên di navbera Herêm û Bexda mijareke dinê vê hevdîtinê bûn.

 

Back to top button