Civak

Ji ber bombebarana Tirkiyê 36 gundên Duhokê hatin valakirin!

Rêveberê nahyeya Kanîmasî ragehand, ji ber bombebarana balefirên Tirkiyê ya berdewam li ser devera nahyeya Kanîmasî 76 gundan li xwe digre û di heyama sê salên borî de 36 gundên nahyeya Kanîmasî hatin vala kirin û naha ti kesek li wan gundan nemaye.Rêveberê nahyeya Kanîmasî Serbest Akreyî ji BasNewsê re diyar kir, bombebarana balefirên Tirkiyê yên li ser axa herêma Kurdistanê û nahyeya Kanîmasiyê yê ser bi qeza Amêdiyê, ziyanên mezin geheştin xelkên deverê û heta naha 36 gund hatine vala kirin û ew gundên mane jî jiyana wan gelek lewaz bûye û xelkê wan gundan li gundên xwe ne û gund nehatine vala kirin, lê ji ber tirsa bombebarana balefirên Tirkiyê newêrin ti karekê bo xwe bikin û biçin ser çem û baxên xwe.Herwaha aşkera kir, ziyanên herî mezin ji ber wan bombebaranan geheştin Kanîmasî. 11 rojan dû hev agir berbû daristanên Kanîmasiyê û bi kotek hate vemirandin. Di wan sê salên borî de jî 500 donim erdên daristanên Kanîmasiyê hatine şewitandin.Emîr Etrûşî/Bas

Back to top button