YNKê deriyek vekir ku xelkên din, biryarê li ser mafê Kurda bidin

YNKê deriyek vekir ku xelkên din, biryarê li ser mafê Kurda bidin

Polîtburoya Partiya Demokrat a Kurdistanê (PDK) daxuyaniyek belav kir û ragihand, tişta ku vê carê Yekîtiya Niştimanî ya Kurdistanê (YNK) kiriye, têkdana lihevkirina siyasî bû, ev jî destpêkeke xirab e.Polîtburoya PDKê bi serperiştiya Serok Barzanî civiya û pêdaçûn di proseya siyasî ya Iraqê û bûyerên vê dawiyê ji rewangeha parastina yekrêzî û navmala Kurdî û çareserkirina pirsgirêkan de, kir.Di daxuyaniya Polîtburoya PDKê de hat, “Derbarê hilbijartina Serokomarê Iraqa Federal de, em tekeziyê li ser wê yekê dikin, ku Serokomar ji destkefta gelê Kurd bû û ne pişka ti partiyeke siyasî ye. Herdem jî ew kursî di çarçova lihevkirina partiyê siyasî yên Kurdistanî de bû û dihat yekalîkirin. Lê vê carê ew tişta ku  Yekîtiya Niştimanî ya Kurdistanê kiriye, têkdana vê lihevkirinê bû, ev jî destpêkeke xirab e.”Di beşeke din a daxuyaniya xwe de PDK dibêje: “Ji ber wê jî, em vî kursî û awayê danîna vê carê ya serokmar, wek nûneratî û mafê gelê Kurdistanê nabînin. Herwiha em dibînin ku pêngava YNKê deriyek vekir ku xelkên din, ne nûnerên gelê Kurdistanê, biryarê li ser wî mafê me bidin.”Derbarê pêkanîna hikûmeta nû ya Iraqê de Polîtburoya PDKê ragihand: “PDK bi girîngî li pêngavên pêkanîna hikûmeta nû ya Iraqê dikir û beşdarî gotûbêjan jî bûye, bi taybet jî ku bi girîngî dizane ku di Iraqa nû de her pêkhateyek bi mafên xwe yên destûrî, bighê. Lewma jî em niha pêngavên pêkanîna hikûmeta nû ya Iraqê bi hûrî dişopînin û em di dema guncayî de biryara pêwîst li ser didin.”

1 Comment
  1. Muhemed Dewrann\r\nLi hev kirina sîyasî an (tewafiqa her Du Partîya)li gorî tefsîra sîyasî ewe ku her Du Partî li dijî hev nebin û kar û erkên xwe di çarçeweya exlaq û reftarê baş dernekevin pêkve berjewendîyên neteweyî di pêşyîya her tiştî biparizin.Tewafiqa wisa ne bes dema Berhem Salih vegerî nav YNKê an ku bû Serkomarê Îraqê tewafiq çirî. YNKe nikare wek vê tewafiqa wisa bê razî bûna Qasim Suleymanî tedbîq bike..Heger qebûl bike pêwîst nedikir ku tewafiq hebe.Berhem Salih kesekî bê wefa û hîlebaze,lê dema YNKe exlaqê Berhem Salih qebûl dike YNKe ne bes Rêkevtina di navbera xwe û Partî de têkdidet YNKe Nasname û Dîn û Tarîx û zimanê pê diaxêve têk didetin. Sîyaseta YNKê bi roşenbîrîyeka ji kerahîyetê û perçe kirina Herêmê ji zûde û heta bi nûhe nehatî guhartin. Dema Partî digel YNKê pevbiçe raste hîngê ji pilanên îranê rêzgar dibet lê dema YNKe bi Rêya Serkomarîyê digel Bexdadê bide û bistîne hîngê ne hewcîye ku Îran dest bi Herêmê werdet ji ber ku Îranê Serkomarî û Hikumet û Perleman ava kirin..YNKe dixweze rewşa Herêmê ya sîyasî bike rewşek serbazî da ku ji astengîya Gorranê rêzgar be. An ku Îran, pişta Gorranê negre.Çinke,Gorran ji bo Îranê ji YNKê çêtire ji ber ku Gorran li dijî sîstema Herêmê ya netewyîye.

Nerîna min :